Основна цел, вели портпарлот, е зголемување на обемот на станови на страната на понудата, што автоматски доведува до намалување на цената на станбениот квадрат. Исто така, додава Ѓорѓиев, со пласирањето на пазарот на станови чија цена е поевтина од пазарната, за околу просечни 15-20%, дополнително се влијае на намалувањето на цената на квадратот, а резултат на овој пристап е поевтин стан за граѓаните. На денешната прес-конференција, Ѓеорѓиев информираше дека државата, преку АД за изградба и стопанисување со станбен и деловен простор, веќе гради, односно во фаза на изградба се 527 станови во 9 комерцијални згради. Сите тие се во Скопје, 1 во центар кај Радиобран, и 8 се лоцирани во општината Аеродром. Од овие 527, 152 станови лоцирани во населбата Лисиче-Комплекс источна индустриска зона, уште во текот на месец декември ќе им бидат предадени на лицата кои ги имаат купено становите. Останатите згради имаат во просек по 50 станови по зграда. Овие станови треба да бидат изградени и предадени на сопствениците во 2013 година, изјави Ѓеорѓиев, додавајќи дека за дел од овие станови во текот на идната недела ќе следува постапка за лицитација.
Leave a Reply
You must be logged in to post a comment.